A Policía Local de Pontevera detivo un home de 54 anos como presunto autor dun delito de violencia de xénero e malos tratos no ámbito familiar.
Ocorreu o pasado 31 de decembro.
Segundo informa o Concello, os feitos ocorreron ao redor das 13.50 horas no ámbito da vivenda familiar.
Foi un veciño da vítima a que alertou á Policía, informando de que a súa veciña de 52 anos e o fillo menor desta se refuxiasen no seu domicilio tras sufrir un episodio de malos tratos.
Unha vez no lugar, a muller manifestou aos axentes que a súa parella, coa que ten un fillo en común, padece problemas de addión ao alcol e que iso deriva en situacións de violencia psicolóxica e coaccións cara a ela e o menor.
No seu testemuño explicaba que cando o home non consegue que fagan o que el quere, reacciona violentamente gritando e golpeando obxectos da casa.
Nesta ocasión tería chegado ebrio ao domicilio familiar esixíndolle á súa muller que fixese a cea. Ante a negativa dela, explicou a vítima, comezou a gritar e a golpear o mobiliario.
Ademais a muller revelou aos axentes que o seu fillo sufrira até dous episodios de violencia física, recibindo labazadas e patadas nas costas.
Dada a situación a Policía Local solicitou a presenza dunha ambulancia para prestar atención ás vítimas e procedeuse á detención do home e a súa posta a disposición xudicial.