O Día Mundial da Infancia, que cada 20 de novembro lembra a importancia de protexer e promover os dereitos dos máis pequenos, celebrarase este ano tamén en Pontevedra.
Será da man do centro comercial urbano CCU Zona Monumental, que organiza talleres musicais da soprano Bonnie Cooper.
Será este xoves, 20 de novembro, de 17:30 a 19:30 horas, en colaboración cos comerciantes das galerías Oliva.
Esta actividade está pensada para nenos e nenas de 0 a 8 anos e busca achegar a música aos máis pequenos de forma divertida e participativa.
A actividade incluirá catro sesións de 30 minutos, entre as 17:30 e as 19:30 horas, con xogos sonoros, dinámicas participativas, cancións e unha introdución amable á música lírica.
Os bebés menores de 3 anos deberán asistir acompañados dun adulto.
Con esta proposta, as galerías da Oliva convértese nun espazo de música, xogo e creatividade, ofrecendo ás familias unha experiencia cultural diferente en pleno corazón da cidade e celebrando un día dedicado á infancia.
A iniciativa forma parte dunha actividade cofinanciada pola Xunta de Galicia.
Co Día Mundial da Infancia, Nacións Unidas conmemora os aniversarios da adopción da Declaración Universal dos Dereitos do Neno (1959) e a aprobación da Convención dos Dereitos do Neno (1989).