Un de cada dous homes e unha de cada tres mulleres terá cancro ao longo da súa vida. En 2030 está previsto que se diagnostiquen en España máis de 317.000 novos casos de cancro.
Cada 4 de febreiro conmemórase o Día Mundial Contra o Cancro e iso converte ao mes de febreiro no mes de loita contra esta enfermidade.
Neste contexto, impulsar a investigación en cancro debe ser unha prioridade para toda a sociedade, segundo destaca a Asociación Española Contra o Cancro en Pontevedra que lanza deste este venres, 7 de febreiro, unha nova edición de 'A compra da túa vida'.
Trátase dunha iniciativa solidaria que convida á poboación a colaborar nas liñas de caixa de supermercados, estacións de servizo e tendas de España, físicas e online, para "recadar fondos que axuden a frear as desigualdades que existen en torno ao cancro".
A participación leva a cabo ampliando o ticket da compra a partir de 1 euro nos establecementos de máis dunha trintena de empresas que se sumaron á causa. Grazas á súa implicación, e á dos seus equipos e clientes, esta recadación axudará a mellorar a vida das persoas con cancro e as súas familias.
Pódese consultar toda a listaxe de establecementos colaboradores en https://lacompradetuvida.contraelcancer.es Ademais nesta web tamén se poderán realizar as doazóns de forma online.
Ana García, presidenta provincial da entidade anima a participar desta iniciativa "Habitualmente os grandes logros conséguense co esforzo de moitos. Neste caso todas as achegas, por pequenas que poidan parecer, van ser determinantes para seguir contribuíndo á loita contra o cancro ben sexa a través da investigación ou dos servizos gratuítos que promove a Asociación na provincia de Pontevedra para pacientes e familiares e que buscan aliviar o impacto do cancro nestas persoas".
A recadación da campaña, que estará activa do 7 ao 16 de febreiro, destinarase á prevención do cancro e aos servizos gratuítos que presta a Asociación para o apoio e acompañamento a pacientes e familiares, así como ao impulso da investigación en cancro.
En 2024 na provincia de Pontevedra diagnosticáronse 6.371 novos casos novos de cancro, sendo os tumores de maior incidencia o colorrectal, mama e próstata.
Actualmente, en España, prodúcese un diagnóstico cada 1,8 minutos cun índice de supervivencia de cerca do 60%.
A Asociación Española Contra o Cancro marcouse o reto de superar o 70% de supervivencia en 2030.
Para alcanzar este obxectivo, é fundamental que a sociedade no seu conxunto implíquese e participe en accións tan sinxelas como "A compra da túa vida",