As localidades de Vilanova de Arousa e Ribadumia rexistraron dous accidentes de tráfico na noite deste sábado ao domingo.
Segundo a información falicitada polos grupos de emerxencias de Vilanova e Cambados, o primeiro dos sinistros tivo lugar na Avenida das Sinas e nel víronse implicados tres vehículos resultando dúas persoas feridas.
A freada inesperada do primeiro dos coches produciu un choque en cadea.
O segundo dos accidentes reportados tivo lugar na Autovía do Salnés (AG-41), ao seu paso polo municipio de Ribadumia, cando un vehículo perdeu o control e chocou coa mediana.
En ambos os casos a Garda Civil de Tráfico abriu unha investigación para tratar de aclarar o sucedido. Non houbo que lamentar danos persoais.
