As carreiras ilegais de coches continúan no polígoo industrial do Campiño, entre os municipios de Pontevedra e Ponte Caldelas, e a Garda Civil de Tráfico non cesa no seu empeño por erradicalas.
A pasada fin de semana, centos de persoas volveron concentrarse na zona e algúns condutores aproveitaron para realizar comportamentos ao volante que supoñen graves infraccións.
Vídeos difundidos a través de redes sociais e medios comunicación permiten ver a concentración e tamén esas supostas irregularidades, con condutores realizando competicións e manobras constitutivas de infracción.
Nalgunhas desas imaxes, vese tamén a existencia dun accidente no que un coche choca contra un farol. Á beira do farol había persoas que puideron sufrir graves consecuencias.
Os axentes do subsector de Tráfico de Pontevedra tiveron coñecemento deste novo episodio de carreiras ilegais a través de imaxes difundidas en redes sociais e medios de comunicación e, tras abrir unha investigación, logrou localizar a dous dos implicados.
Lograron identificar dous condutores e a ambos comunicáronlles que están investigados como autores dun delito de condución temeraria, segundo puido confirmar PontevedraViva.
A investigación continúa en marcha para tentar localizar a todos os implicados neses comportamentos inadecuados.
As carreiras que se realizan desde hai anos no Campiño orixinaron nos últimos meses unha operación especial de Tráfico, a bautizada como operación Platillo, na que se formularon até 96 denuncias contra os condutores que participaron nestas carreiras ilegais.
Engade Pontevedra Viva como fonte preferida de Google de balde
Mantente informado coas últimas noticias de actualidade.