Das primarias do PSOE volveuse a falar este sábado en Pontevedra. Tras as visitas de Patxi López e Pedro Sánchez era a quenda de Susana Díaz. Pero no seu caso, a presidenta andaluza delegou nun dos seus máis estreitos colaboradores neste proceso, o deputado socialista Eduardo Madina. El foi quen se reuniu cos militantes da Boa Vila.
Acompañado, entre outros, pola presidenta da Deputación, Carmela Silva, o deputado autonómico Abel Losada ou o ex concelleiro en Pontevedra, José Manuel Valcárcel, Madina acudiu ao Hotel Avenida -tras pasar previamente por Caldas de Reis- para defender que o proxecto de Susana Díaz permitirá "abrir un tiempo nuevo de unidad y de futuro" no PSOE.
"Yo solo contemplo que gane Susana, que se abra una etapa nueva y a partir de ahí empezar a reconstruir el partido", asegurou o deputado socialista.
Madina espera que o PSOE logre un proxecto "reconocible", co que o partido "no diga un día una cosa y al día siguiente la contraria", onde as súas relacións cos demais partidos políticos "no cambien cada día", onde "no se sepa bien" se Cataluña "es una nación o ha dejado de serlo" e no que non teñan "seis programas distintos en 18 meses".
"Eso es lo que está en juego en este congreso", engadiu o deputado do PSOE, que reclamou ademais un partido socialista "que tenga vocación de ganar siempre" para que aos cidadáns españois "les vaya mejor".
Fronte á presidenta andaluza está, lembrou Eduardo Madina, un Pedro Sánchez cuxo "techo electoral", os 85 deputados nas eleccións xerais de xuño de 2016, é o "suelo" do socialismo en España, polo que confía en que a vitoria de Susana Díaz nas primarias do PSOE sirva para "dejar atrás" este "desastre histórico".
Estes dous últimos anos e medio foron, engadiu, a etapa na que "peor lo ha pasado el PSOE" en toda a súa historia.
De cara o debate do próximo luns, na que os tres candidatos ás primarias do PSOE expoñerán o seu proxecto, Eduardo Madina asegurou que o "seguimiento mediático" que terá esta cita será unha "enorme oportunidad" para que Pedro Sánchez "desautorice" a quen desde a súa candidatura "se dedican a insultar a todo el que no les da la razón".