O Cafetín de Pontevedra está na final do concurso nacional de petiscos que celebra en Valladolid a sñua décimo sexta edición. Xunto a un restaurante da Coruña, a do Cafetín é outra das propostas galegas, que buscará o éxito no certame da man do seu chef Rubén Vallejo e o seu prato Mare Noso.
"É un pedacito do noso mar feito bocado, un arroz de algas e caldo de crustáceos, mexillón e berberechos das nosas rías, ali- oli de espirulina e salsa XO mariñeira. Todo iso rematado con algas frescas e herbas de litoral dos nosos amigos de Portomuiños, acabando cun aire mariño para simular a escuma mariña", explica o cociñeiro que monta a súa preparación sobre unhas "pezas incribles do Taller de Piñero que simulan as nosas costas".
"Cheira a mar con só vela”, conclúe Vallejo que confía nas posibilidades de vitoria nun concurso que comezou este luns e que agarda este mércores o fallo do xurado, que elixirá o gañador entre os 45 seleccionados de toda a xeografía española.