As obras de substitución da cuberta do Pavillón Municipal dos Deportes avanza "cumprindo os prazos".
Nas últimas horas os operarios da empresa encargada das obras comezaron a retirar a vella cuberta, unha vez terminado o pintado das cerchas.
Se se cumpren as previsións a finais do mes de agosto o pavillón estaría listo para acometer unha limpeza xeral e para colocar a nova iluminación, paso previo a acoller unha nova tempada deportiva dos clubs pontevedreses.
A actividade deportiva está agora restrinxida na súa totalidade, e só se mantén a actividade nas oficinas.
Desde o luns permanece instalada na parte traseira do pavillón un guindastre de grandes dimensións, co que se comezaron a retirar algúns dos paneis do teito.
A empresa encargada dos traballos é Goméz Crespo Obras e Servizos S.L, cun orzamento total de 605.951,06 euros.