Este sábado 4 de marzo celebrarase en Barro o IV Certame de murgas. O acto terá lugar na Nave da Música da vila ás 20 horas. A entrada é libre ata completar o aforo.
Esta edición contará coa presenza de 'Os do Val do Lérez' e 'El equipo Ja', os gañadores e os segundos respectivamente no Certame de Murgas de Pontevedra; e a 'Murga de Naveiro'.
Esta celebración chea de humor pon o broche final a varias semanas de actividades e rematará a programación de Entroido no Concello de Barro.