Poio celebrou este sábado ao grande o enterro do Galo Fodorico Augusto Bastante, que morreu vítima da inflación. A brutal subida de prezos custoulle a vida.
O galo foi queimado na Praza do Mosteiro en San Xoán, despois dun desfile que saíu do Sartal e que concluíu coa Festa Choqueira, amenizada coa música do grupo Prisma.
Os organizadores da festa, a Asociación Veciñal e Cultural Ronsel coa colaboración do Concello, preparou produtos típicos do Entroido.
Pero a morte de Fodorico non termina co enterro poiense. Agora serán os veciños de Samieira quen, o próximo 18 de marzo, queimen a outro galo, neste caso ‘O Bruxo’.