Os escolares do oito centros educativos de Infantil e Primaria de Sanxenxo poderán gozar durante este Nadal de invitacións especiais para as actividades infantís organizadas polo Concello.
A concelleira de Educación, Nati Parada, acudiu aos colexios para repartir 1.200 entradas entre os escolares.
As invitacións permitirán gozar da pista de xeo e dos inchables instalados no Pazo de Nadal, ambas as atraccións de pago.
As invitacións serán válidas para os días 9,10, 11, 12, 15, 16, 17, 18 e 19 de decembro, de 16 a 21 horas.
Para a pista de xeo, será obrigatorio por seguridade o uso de luvas, que deberán traerse de casa ou adquirilos no punto, os patíns serán facilitados no punto.
A Concellaría de Educación porá en marcha en vacacións os Obradoiros de Nadal os días 22, 23, 26, 29 e 30 de decembro e os días 2, 5 e 7 de xaneiro, de 9 a 14:30 horas.
A inscrición estará aberta até o 16 de decembro ás 14 horas no rexistro do Órgano Autónomo Terra de Sanxenxo.
Os interesados poderán facelo de forma presencial no Concello ou na sede electrónica de Terra de Sanxenxo para o que é preciso dispor do DNI electrónico, certificado ou clave.
Os prezos oscilarán entre os 50 e os 62,50 euros para os que vaian todos os días, dependendo de si están empadroados ou non.
Hai dispoñibles un total de 75 prazas e a actividade desenvolverase no colexio e pavillón de Nantes.