A Consellería de Sanidade notificou este sábado tres novos falecementos en Galicia de persoas diagnosticadas de coronavirus.
Unha delas, un home de 91 anos, atopábase ingresada no Complexo Hospitalario de Pontevedra e faleceu o venres día 6, confirma o Sergas.
Con este caso as mortes de persoas positivas por covid na Área Sanitaria de Pontevedra e O Salnés ascenden a 191 desde o inicio da pandemia.
Ademais Sanidade informa do falecemento dun home de 95 anos e doutro de 87 anos, ambos os dous no Hospital de Verín, todos eles con patoloxías previas.
En Galicia perderon a vida 2.492 persoas con positivo activo en coronavirus.