Un motorista faleceu a media tarde deste sábado nun accidente de tráfico rexistrado en Marín.
O accidente sucedeu arredor das 18:00 horas deste sábado 2 de agosto nunha estrada en San Tomé de Piñeiro, segundo a información facilitada polo 112 Galicia.
O 112 Galicia tivo coñecemento do suceso a través dun particular, que informaba da colisión entre un turismo e unha moto.
Nesa chamada, xa indicaba que o motorista podía estar falecido.
O 112 Galicia solicitou a intervención do Servizo de Urxencias Sanitarias de Galicia-061, da Garda Civil de Tráfico e da Policía Local de Marín.
Os servizos que se desprazaron ata a zona nada puideron facer por salvar a vida do motorista, confirmando o seu falecemento.