Unha muller resultou ferida despois de caer nunha zona de rocas en Punta Vicaño.
Segundo informou o Concello de Sanxenxo, atopábase paseando pola zona cando tropezou e caeu entre dúas rocas. Deuse un golpe na cabeza e fíxose dano nun nocello, con posible rotura.
Foi rescatada pola Policía Local e derivada ao Hospital Montecelo.
Segundo o 112, os feitos sucederon este venres uns minutos despois da unha da tarde.
O persoal médico que acudiu a socorrela solicitou medios de rescate, xa que a zona era de difícil acceso.
O 112 requiriu a intervención da Policía Local e do GES de Sanxenxo.