Os dous ocupantes dun camión municipal resultaron ferido este mércores tras sufrir un accidente de tráfico na Autovía do Salnés, ao chocar contra outro camioneiro.
O sinistro rexistrouse este mediodía en Nantes (Sanxenxo), segundo informou o 112 Galicia, na saída do parque empresarial.
A consecuencia do impacto, o condutor do camión resultou ferido leve e o acompañante, tamén traballador municipal, sufriu feridas nunha perna.
Este último quedou atrapado no interior do camión, polo que necesitou a axuda dos bombeiros para poder saír.
Segundo o condutor do outro camión, que foi quen alertou aos servizos de emerxencia, o ferido estaba consciente, pero atrapado polas pernas.
Desde o 112 Galicia, solicitaron a intervención dos bombeiros do Salnés, quen, finalmente, sacaron ao ferido do interior da cabina do camión.
Unha vez fóra, foi atendido polo persoal sanitario de Urxencias Sanitarias de Galicia-061 e, posteriormente, foi evacuado ao hospital.
Todo apunta a que un erro mecánico foi a posible causa do accidente.
O outro camión só sufriu danos materiais.
Ademais de sanitarios e bombeiros, os axentes da Garda Civil de Tráfico tamén acudiron ao lugar do accidente para regular a circulación.