Cándido Vicente Buceta 'Canducho', veciño de 77 anos de Albar, será protagonista este ano da Festa dos Maios en Poio.
O Concello anunciou que Canducho recibirá unha homenaxe polo seu labor como un dos precursores na recuperación, conservación e difusión desta festa no municipio.
O recoñecemento faráselle o propio día 1 de maio, no transcurso da exhibición e concurso dos maios na Praza do Mosteiro.
Esta iniciativa estreouse en 2024 pondo en valor a figura de Francisco Lobajeira, continuando o pasado ano con Tucho Buceta o ano pasado.
O obxectivo, explica o goberno local, é agradecer o traballo de todas esas persoas que, ano tras ano, comprometéronse e traballaron para recuperar e dar continuidade a unha das tradicións máis arraigadas no municipio.
Con respecto ao homenaxeado de 2026, Cándido Vicente Buceta 'Canducho' iniciouse con apenas 12 anos nesta tradición en San Salvador.
Canducho é ademais artífice de instaurar en Poio o barco tradicional, facendo homenaxe á tradición mariñeira do municipio.
INSCRICIÓNS Á FESTA DOS MAIOS
Segundo avanzou o Concello de Poio, as inscricións para participar na Festa dos Maios poderán formalizarse entre os días 13 e 24 de abril a través da sede electrónica do concello ou no rexistro.
En canto aos premios, repartiranse entre o tres primeiros clasificados nas categorías ao mellor conxunto (220, 180 e 150 euros, respectivamente), mellor maio, mellores coplas, mellor coroa, mellor actuación e mellor barco galego tradicional. Neste catro grupos os premios serán de 150, 120 e 100 euros, respectivamente. No caso de mellor actuación, inclúense tamén 4º premio (80 euros) e 5º premio (50 euros). A maiores, polo mero feito de participar, cada maio recibirá 200 euros e dous roscóns.