Festa rachada en Poio cun multitudinario San Xoán

É a noite máis especial do ano en Poio, e volveu a demostrar o por que.

A xente botouse á rúa para vivir un San Xoán que sempre é especial no municipio, no medio das súas festas patronais.

Non faltou de nada, sobre todo nas actividades organizadas na Seca desde o propio Concello.

Fogos artificiais, música, sardiñada e por suposto, unha gran fogueira coa que espantar o 'meigallo'.

En todo o municipio estaban autorizadas máis de 200 cacharelas, incluídas algunhas nas praias de Sinás, Raxó, Laño, Ouriceira, O Padrón, Campelo (porto) e Lourido.

Con todo o gran punto de atención estaba posto na Seca, a máis multitudinaria de todas elas.

Unha demostración de que o espírito da noite de San Xoán segue a latexar con forza en Poio.

Iso si, había que reservar algo de forzas porque as Festas de San Xoán en Poio non fixeron máis que comezar.