Nesta nova entrega de "A cociña gourmet en conserva" da man de Conservas Pescamar, imos elaborar unha receita diferente na que transformaremos un produto do mar tan prezado como os berberechos nuns orixinais bocados crocantes.
Os berberechos son unha excelente fonte de proteínas de alta calidade e achegan minerais esenciais como o ferro, o iodo e o zinc, ademais de ser baixos en graxa.
Para preparar estes orixinais 'Flocos de millo' de berberechos ao natural Pescamar usaremos os seguintes ingredientes:
- 2 latas de Berberechos ao natural Pescamar
- 100 g de gambas peladas
- 2 patacas medianas cocidas
- 1 cucharada de perexil fresco picado
- 1 ovo
- 1 cunca de fariña de trigo
- 2 cuncas de flocos de millo (tipo cornflakes)
- 1 culler pequena de allo en po
- aceite de oliva para fritir
- sal e pementa
Para a salsa de acompañamento:
- 3 cucharadas de maionesa
- 1 culler pequena de mostaza suave
- 1 culler pequena de mel
- 1 culler do mollo dos berberechos ao natural Pescamar
- 1 cullerada de ketchup
- unhas pingas de zume de limón
Preparación:
Picamos as gambas e salteámolas nunha tixola cunha culler de aceite. Apagamos o lume e engadimos os berberechos ao natural Pescamar, previamente escorridos (reservamos o mollo para a salsa) e picados.
Mesturamos ben e retiramos.
Nun bol, esmagamos as patacas cocidas ata obter un puré espeso. Incorporamos a mestura de berberechos e gambas, engadimos o perexil picado, salpimentamos e mesturamos ben ata conseguir unha masa homoxénea.
Formamos pequenas bólas coas mans, asegurándonos de que queden compactas.
Preparamos tres recipientes. Nun primeiro bol, colocamos a fariña; nun segundo, batemos o ovo; e nun terceiro, pomos os flocos de millo lixeiramente triturados.
Pasamos cada bóla primeiro pola fariña, despois polo ovo e finalmente polos flocos de millo, presionando suavemente para que o rebozado se una ben.
Fritimos en abundante aceite de oliva quente ata que estean douradas e moi crocantes. Retirámolas e colocámolas sobre papel absorbente para eliminar o exceso de aceite.
Para a salsa, mesturamos a maionesa, a mostaza, o mel, o mollo reservado dos berberechos, o ketchup e unhas pingas de limón ata obter unha crema suave.
Servimos os 'flocos de millo' de berberechos que temos feitos, acompañados da salsa.
En dúas semanas, os produtos do mar serán de novo protagonistas dunha nova receita da serie "A cociña gourmet en conserva" da man de Conservas Pescamar.