Forte subida do paro nos concellos pola crise do coronavirus

O impacto sobre a economía da crise sanitaria da epidemia do coronavirus viuse reflectido nos datos do paro coñecidos este xoves.

Así no municipio de Pontevedra o número de inscritos nos rexistros oficiais como demandantes de emprego incrementouse no pasado mes de marzo en 205 persoas, en Sanxenxo foron 84 e en Vilagarcía de Arousa 158. 

Hai que ter en conta que en marzo o número de parados creceu pero a afiliación afundiuse. 

Ademais, xa se sabe que o Goberno para evitar os despedimentos incentivou a utilización dos ERTEs, que non se incorporan á cifra oficial do paro rexistrado porque eses traballadores, en realidade, non perderon o seu emprego, senón que está suspendido.