A campaña de recollida de sinaturas contra a nova Lei de Taxas Xudiciais posta en marcha por sindicatos da Administración de Xustiza, avogados e procuradores está a calar entre a cidadanía de Pontevedra.
Ademais de recoller o apoio dos traballadores da Administración de Xustiza e de persoas do sector, xa captaron as sinaturas de máis de 1.500 cidadáns que nada teñen que ver co mundo xudicial máis alá de simples usuarios.
O voceiro de CIG-Xustiza, Delmiro Durán, recolleu sinaturas este martes no interior do edificio xudicial da Parda e sinalou que tan só os sindicatos xa xuntaron máis deste millar e medio de firmas. Habería que sumar as recollidas por outros colectivos como avogados ou procuradores.
O documeto que xa han subscritos os cidadáns nas mesas instaladas na Parda e na sede da Audiencia Provincial de Rosalía de Castro insta ao Ministerio de Xustiza á derrogación da Lei de Taxas.