Os nenos e nenas de 5 a 11 anos comezarán a ser vacinados contra a covid-19 en Galicia a partir do próximo luns 13 de decembro. Esa, polo menos, é a previsión que barallan as autoridades sanitarias dentro do calendario de vacinación.
Os primeiros en recibir a vacina serán os menores inmunodeprimidos, segundo adiantou este xoves o presidente da Xunta, Alberto Núñez Feijóo.
A continuación irán pasando, sucesivamente, o resto da poboación escolar, uns 130.000 menores en toda Galicia, en función duns criterios que se definirán ao longo da próxima semana.
Ata entón Galicia seguirá dispensando a dose de reforzo para a poboación de 60 a 69 anos, para o persoal sanitario e para o persoal socionatorio, pero xa hai máis plans.
A Xunta confía en que esta terceira dose da vacina poida inxectarse xa aos galegos de 50 a 59 anos a partir do 19 de decembro, sempre que haxa dose suficientes para iso.