Dous vehículos quedaron queimados como resultado dun incendio rexistrado na noite do luns para o martes na rúa Cruceiro de Pontevedra.
Segundo a información facilitada polo Concello de Pontevedra, o lume rexistrouse sobre as 23.00 horas da noite do luns xusto na entrada do coñecido como 'túnel' da Barca.
O incendio iniciouse no interior dun vehículo estacionado e as lapas danaron tamén o lateral do turismo que se atopaba a carón.
O coche non que se iniciou quedou totalmente calcinado e o outro, bastante afectado.
Ata o lugar desprazáronse efectivos dos bombeiros de Pontevedra e tamén a Policía Local.
Segundo a información oficial, os bombeiros realizaron unha intervención "moi rápida". Unha vez chegaron, sofocaron as lapas en apenas un minuto.
A Policía Nacional iniciou unha investigación para aclarar as circunstancias e orixe do lume.
