A Garda Civil mantén aberta unha investigación para localizar o responsable dun intento de atraco rexistrado na mañá deste mércores na parroquia de Noalla, en Sanxenxo.
Os feitos ocorreron sobre as 10.00 horas da mañá nunha libraría situada no lugar da Revolta.
Segundo informaron fontes oficiais da Garda Civil, unha persoa entrou no establecemento disfrazada e armada cunha arma curta.
A investigación deberá determinar se a pistola era real ou simulada.
Unha vez no interior do local, esta persoa forcexou co home que naquel momento estaba á fronte do negocio.
Outra das responsables do negocio, que estaba no almacén, saíu nese momento e comezou a berrar. A continuación, o asaltante saíu correndo.
Segundo os datos facilitados a PontevedraViva, o ladrón non levou ningún botín.
O suposto atracador chegou ao negocio nun coche que deixou aparcado diante e fuxiu da mesma forma.