O Concello de Sanxenxo acometerá por máis de 48.000 euros a recuperación ambiental do regato de Carabuxeira e a mellora do acceso ao areal.
A actuación vén derivada dos problemas xerados polos temporais e a propia morfología e composición do terreo, que provoca que a canle varíe o seu percorrido e trazado e provoque problemas de tránsito aos usuarios.
Ademais, a "clara deterioración" da zona obrigou obrigou a propor unha serie de medidas tendentes a crear un espazo máis agradable e respectuoso co medio, que empezarán polo encanamento do regato Carabuxeira ao seu paso pola praia e a instalación dun paso elevado.
Esta infraestrutura será dun material que imite a madeira e permita mellorar as condicións de mantemento das estruturas en ambientes hostís. A zona de acceso á praia a repavimentarán.
Entre as actuacións previstas tamén se atopa a remoción de area para tapar a actual canle e dar certa harmonía ao perfil de praia; a colocación dunha varanda na praza de acceso ao areal; a limpeza e retirada de herbas, e a reparación con pedra e encintado dun pequeno tramo de muro.
Así mesmo, levarán a cabo traballos de mellora da calidade da auga da praia, incluídos no plan de actuacións municipais para eliminar puntos de vertedura.
Co obxectivo de acoutar os puntos de contaminación e orientar as actuacións necesarias, durante os meses de xullo, agosto e setembro de 2025, realizáronse mostras tanto nas desembocaduras como augas arriba, acordándose segundo os informes técnicos acometer obras por valor de 43.653 euros.
Entre estas actuacións atópase a nova conexión a colector de residuais de acometida existente vivenda, limpeza e retirada de restos no colector interior do Edificio Florida e a renovación de 140 metros de canalización.
A actuación ten un custo de 48.370 euros e conta cunha subvención do Fondo de Compensación Ambiental de 32.000 euros.
Engade Pontevedra Viva como fonte preferida de Google de balde
Mantente informado coas últimas noticias de actualidade.