Boas noticias para as familias e os pacientes pediátricos galegos diagnosticados con enfermidades raras.
O conselleiro de Sanidade, Antonio Gómez Caamaño, anunciou este venres o lanzamento dun servizo pioneiro de rehabilitación domiciliaria para estes pacientes, no marco da Estratexia galega en enfermidades raras.
O anuncio realizouse durante a inauguración da xornada organizada con motivo do Día Mundial das Enfermidades Raras 2026, que se conmemorará este sábado, 28 de febreiro, no Hospital Montecelo.
O encontro desenvolverase baixo a lema 'Porque cada persoa importa' e está organizado por organizada pola Federación galega de enfermidades raras e crónicas (Fegerec).
Gómez Caamaño, acompañado polo delegado territorial Agustín Reguera e o xerente da Área de Pontevedra e O Salnés, José Flores, explicou que o servizo se desenvolverá xunto a Fegerec e contará con rehabilitadores, traballadores sociais e xestores asistenciais.
O modelo e o proceso asistencial xa está definido.
Aprobada en xullo pasado con 400 millóns de investimento para cinco anos, a estratexia impulsou unidades multidisciplinarias na Coruña, Santiago e Vigo, que acumulan máis de 8.800 consultas desde 2021.
O Rexistro galego, sinalou Gómez Caamaño, conta con 5.700 pacientes e 482 patoloxías diferentes.
A intención de Sanidade con este novo servizo é reforzar a prevención secundaria ampliando o cribado neonatal a 12 novas patoloxías (actualmente 37 metabolopatías). Entre os anos 2000 e 2024 diagnosticaron 705 casos en 476.500 bebés cribados.
Incorporarán a robótica á rehabilitación hospitalaria nas sete áreas, cun financiamento de 384 millóns para terapias farmacolóxicas. Destas terapias xa se beneficiaron 4.000 persoas.
Ademais, o conselleiro de Sanidade puxo en valor o traballo que realizan os tres institutos de investigación e a Fundación Galega de Medicamento Xenómico, optimizando os recursos para reducir os tempos de espera das probas xenéticas.
Por último, Gómez Caamaño destacou a colaboración entre as asociacións para apoiar ás familias dos pacientes con enfermidades raras.
Engade Pontevedra Viva como fonte preferida de Google de balde
Mantente informado coas últimas noticias de actualidade.