Os máis pequenos da casa foron este sábado os protagonistas da programación do Entroido de Marín, co tradicional desfile infantil polas rúas da vila.
Durante varias horas, tomou as rúas de Marín, partindo da Alameda e terminando no Parque Eguren, onde, como colofón, celebrouse a Gran Festa Infantil con música, animación, talleres e filloas gratuítas.
O xurado decidiu que, na categoría de grupos, o primeiro premio, dotado con 180 euros, fose para 'La Marina SEI'.
O resto de premiados foron: 'Steampunk Monsters' (2 premio, 150 euros), 'Gru y los minions' (3 premio, 130 euros), 'As dorniñas' (4 premio, 100 euros) e 'Funkos por Marín' (5 premio, 80 euros).
Na categoría de disfraes individuais, o primeiro premio foi para 'A volta ao mundo', que levou 80 euros.
O resto de premiados foron: 'O carrusel do mundo' (2 premio, 70 euros), 'Churriño á vista' (3 premio, 60 euros) e 'Amelia E. Hearth' (4 premio, 50 euros).
Na categoría de parellas, o primeiro premio foi para 'Dulce fantasía', que levou 120 euros.
O resto de premiados foron: 'Lago de los cisnes' (2 premio, 110 euros), 'As Sargadeliñas' (3 premio, 100 euros) e 'Steam punk' (4 premio, 80 euros).
Na categoría de comparsas, o primeiro premio foi para 'Maestros da costura', que levou 220 euros.
O segundo premio foi para 'Escola de astronautas', que levou 180 euros; e o terceiro, para 'A todo jas', que gañou 150.
A programación continúa este domingo 2 de marzo co Desfile de Adultos. Comparsas, disfraces e carrozas percorrerán as rúas da vila até o Parque Eguren, onde se entregarán os premios.