A candidatura de Marea Pontevedra ás próximas eleccións municipais comprometeuse "a levar adiante desde o goberno do Concello" unha serie de medidas para facer unha cidade máis inclusiva.
Entre outras iniciativas inclúen a promesa de mellorar en materia de accesibilidade "en xeral", tamén a incluír a linguaxe de signos como mérito nos concursos-oposicións e a promocionar o deporte inclusivo e adaptado.
Marea Pontevedra engade neste compromiso a inclusión de claúsulas sociais da contratación pública a persoas con discapacidade e unha "maior vixilancia nas obras" para que cumpran as medidas de accesibilidade necesarias.
As candidatas desta formación política, Herminia Dios e César Maquieira, mantiveron un encontro co presidente de Amizade, Paulo Fontán, "para afondar nas necesidades dun dos sectores máis esquecidos da nosa Pontevedra".
Engade Pontevedra Viva como fonte preferida de Google de balde
Mantente informado coas últimas noticias de actualidade.