Tres novas praias marinenses contarán con aparcamentos de apoio aos existentes. Estas zonas, coñecidas popularmente como 'leira parks', estarán en Aguete, Loira e A Coviña.
En todos estes casos, estas áreas de estacionamento puidéronse habilitar despois de que os propietarios cedesen estes terreos de maneira gratuíta ao Concello.
Estas parcelas permiten dar cabida a moitos vehículos que ocuparán estes espazos, permitindo ofrecer un gran servizo pola súa proximidade ás praias.
O Concello destacou a xenerosidade dos propietarios dos terreos que ocuparán os novos aparcamentos.