A área sanitaria de Pontevedra - O Salnés mantén a 50 persoas hospitalizadas por coronavirus. 42 pacientes atópase ingresados en planta de hospitalización, 34 no Complexo Hospitalario Universitario de Pontevedra; 2 no Hospital QuirónSalud Miguel Domínguez e 6 no Hospital do Salnés; a eles hai que sumar os 8 pacientes covid que se atopan na Unidade de Coidados Críticos do Hospital Montecelo, segundo a información que notifica este martes 22 a Consellería de Sanidade.
Hai 922 casos activos na área sanitaria, 5 máis que durante o luns. Desta cifra, 872 persoas co virus permanecen nos seus domicilios evolucionando da enfermidade. Nas últimas 24 horas realizáronse 609 probas PCR na área sanitaria nas que se detectaron 39 novos casos confirmados, 18 máis que este luns 21
Por sorte, non se rexistraron novos falecementos por esta enfermidade nas últimas horas e a cifra de mortes desde o inicio da pandemia sitúase en 76 persoas.
GALICIA
Galicia suma hoxe a cuarta xornada de descenso de casos activos. Neste momento, 5.603 persoas atópanse con infección activa de covid-19. 306 persoas atópase hospitalizadas en planta baixo observación, mentres que na UCI permanecen 51 pacientes.
Durante esta última xornada detectáronse na comunidade autónoma 202 novos casos confirmados de coronavirus. O número de falecementos desde que comezaron a notificarse as mortes por covid-19 en Galicia sitúase en 1.346 persoas.