Un éxito de participación.
Así cualifica o Concello da Lama a recepción municipal este sábado aos Reis Magos.
Melchor, Gaspar e Baltasar aterraron na Lama con estilo, a bordo de dous sidecars e un coche convertible escoltados polos moteiros do Club Os Lóstregos, e acompañados por unha batucada.
Centos de nenos viviron a cita con ilusión, e tiveron a ocasión de compartir as súas últimas peticións antes da noite máis máxica do ano.
A comotiva real percorreu as principais rúas da Lama antes da audiencia oficial no Concello.
A xornada completouse ademais cunha chocolatada de balde.
