Jacobo Moreira, portavoz do Partido Popular de Pontevedra, tivo que aturar unha chaparrada de críticas nas redes sociais durante esta fin de semana despois de que no pleno do venres o grupo municipal do PP decidira absterse ante a moción presentada polo Partido Socialista na que solicitaban a equiparación salarial da Garda Civil e da Policía Nacional coas policías autonómicas.
Durante a sesión plenaria atopábanse presentes varios integrantes pontevedreses de Jusapol, o colectivo que agrupa aos integrantes de Policía Nacional e Garda Civil que demandan a equiparación de salario dos funcionarios das forzas e corpos de seguridade do Estado. Eles publicaban un tweet agradecendo ao PSOE e a Cidadáns o seu apoio para aprobar esta moción, que tamén contou co voto favorable de Marea Pontevedra. Nese punto abstivéronse tanto o BNG como o Partido Popular.
A decisión dos populares molestou de maneira notable aos representates de Jusapol. E así o manifestaron en Twitter a partir dese momento. Moreira intentou explicar, engadindo o vídeo da intervención plenaria, que tiñan votado a favor desa proposta na comisión previa pero que no pleno, o PSOE introducía unha variante referida á desmilitarización da Garda Civil. Ese cambio provocou que se abstiveran.
Con todo, a explicación non foi ben recibida. Decenas de respostas foron publicándose contra a postura do Partido Popular, a quen acusan de non ter asinado a petición de apoio á Iniciativa Lexislativa Popular (ILP) para equiparar os soldos destes funcionarios.
Desde a Unión Federal de Policía (UFP) tamén se comunicaba o rexeitamento a esta decisión do PP e lamentan a decepción que lles provocou. ""Del BNG no esperábamos menos, pero el PP, ¿cómo se ha podido abstener a que nos equiparen los salarios?", indica Carlos Rodríguez, secretario provincial de UFP. O representante policial afirma: "Tienen que darse cuenta de que los policías también nos podemos abstener en las próximas elecciones. Estamos con los partidos que nos apoyan".
- ALGUNHAS RESPOSTAS EN TWITTER Á EXPLICACIÓN DE JACOBO MOREIRA: