Durante as próximas tres semanas, os condutores que adoiten circular entre Monte Porreiro e o centro urbano pola Avenida de Buenos Aires, pegados ao río Lérez, terán que buscar unha ruta alternativa.
Os traballos de montaxe e desmonte previstos para o festival Bigsound Pontevedra, que se celebrará os días 17 e 18 de xullo, provocarán o peche do viario durante esas tres semanas.
Así o anunciou o goberno municipal de Pontevedra.
A rúa quedou cortada ao tráfico ás sete e media da mañá deste luns.
Non se volverá a poder circular por ela até as 20.00 horas do venres 24 de xullo.
O tramo afectado é o comprendido entre a Ponte dos Tirantes e a Ponte das Palabras, situada xa xusto á entrada do barrio de Monte Porreiro.
Para acceder a Monte Porreiro durante este corte, recoméndanse dous itinerarios.
Ou ben usar o novo viario que conecta Beiramar con Os Campos ou, pola contra, entrar pola Seca, Santa Margarida ou a Rúa da Pomba.
O festival Bigsound Pontevedra traerá á cidade a grandes nomes do panorama musical, entre eles David Bisbal, Ana Mena, María Becerra ou Nathy Peluso, entre outros.