O anuncio do Ministerio de Fomento en relación ao levantamento de actas previas á expropiación de terreos para o primeiro tramo da futura Circunvalación de Pontevedra, entre Vilaboa e A Ermida, foi acollida con satisfacción no Concello de Pontevedra, ao avanzar na construción dunha infraestrutura que consideran fundamental.
O concelleiro de Infraestruturas, César Mosquera, manifestouse neste sentido asegurando que se trata de "un paso firme e que demostra que hai vontade en facela. Se se fai ese tramo haberá que continualo".
Esa vontade á que alude Mosquera refírese exclusivante ao Goberno, pero non á Xunta: "a ministra dixo que era unha prioridade, non como a Xunta".
No que se mostrou máis cauto o concelleiro é nos prazos: "gustaríanos que fose todo máis rápido".