Un motociclista de 30 anos resultou ferido durante a madrugada deste venres 17 nun accidente de tráfico entre un turismo e unha motocicleta ocorrido no Polígono Industrial Sete Pías de Cambados.
O piloto, identificado como A.D.A., veciño de Vilagarcía de Arousa, foi atendido no lugar polo Servizo de Emerxencias do Concello de Cambados.
Posteriormente, o motorista evacuado por unha ambulancia do 061 ao Hospital do Salnés.
Segundo os servizos de Emerxencias, o home presentaba dores cervicais, torácicos e lumbares.
No operativo de emerxencia participaron efectivos da Garda Civil de Tráfico, que se encargaron de regular o tráfico e realizar as dilixencias correspondentes con motivo do suceso para determinar as causas do impacto.
