Nunha máxica cerimonia celebrada este venres na praza da Ferrería os pontevedreses conxuraron a Feira Franca.
A edición número 18 está dedicada ás bestas, reais e fantásticas.
Numeroso público gozou do espectáculo "Cando chega a noite", creado por compañías Kull d'Sak e Troula que mesturou mitoloxía galega, con bailes, acrobacias e lume.
O espectáculo tiña como fío condutor a historia duns mercaderes aos que se lles fai de noite no seu camiño á Boa Vila polo que deciden descansar no bosque. Un xograr aproveita entón para contarlles unha historia…