Un proxecto da asociación Down Pontevedra Xuntos, en colaboración coa Fundación ONCE, está a permitir que un grupo de mozos con síndrome de Down estean a formarse laboralmente no sector de ordenanza e administrativo.
Esta formación ten como obxectivo a capacitación dunha persoa e é unha excelente maneira de que aquelas que teñen discapacidade intelectual logren unha inclusión real no ámbito laboral ordinario, como paso previo a lograr unha vida máis autónoma.
Sete usuarios da asociación están a adquirir o coñecemento, habilidades e destrezas necesarias para poder traballar como ordenanza, auxiliar administrativo ou bedel.
Todas elas están inscritas no programa de garantía xuvenil e contan con idades comprendidas entre os 20 e os 30 anos e cun certificado de discapacidade entre o 33% e o 65%.
Esta aprendizaxe, que comezou o pasado 1 de marzo e estenderase ata o próximo 20 de xullo, conta cunha parte teórica e outra totalmente práctica. A primeira delas leva a cabo na propia entidade Down e ten unha duración de 160 horas, mentres que a segunda consta de 100 horas prácticas en empresas ordinarias da contorna.
Nesta ocasión, as empresas colaboradoras son a Sociedad Deportiva Teucro, o colexio concertado Sagrado Corazón de Pontevedra, Soain Asesores S. L. e Espacio Arroelo.