A directora de Turismo de Galicia, Nava Castro, e o delegado territorial da Xunta en Pontevedra, José Manuel Cores Tourís, visitaron este xoves o concello de Cerdedo-Cotobade, xunto co alcalde, Jorge Cubela, para supervisar o resultado da sinalización do patrimonio arqueolóxico.
O Concello recibiu unha subvención de máis de 18.000 euros para a instalación dun total de 21 sinais turísticas.
Cerdedo-Cotobade foi así un dos 21 concellos da provincia de Pontevedra que se beneficiaron destas axudas, un total de 82 en toda a comunidade galega.
Durante a visita, a directora de Turismo de Galicia explicou que o obxectivo é dotar ao medio rural de Galicia das infraestruturas e sinalización axeitadas para convertelo nun recurso turístico accesible.