O Concello de Sanxenxo puxo en marcha unha iniciativa para controlar os ruídos nocturnos que afectan o descanso veciñal.
O municipio contratou á consultora técnica en acústica Virocem, que implementará unha plataforma dixital para vixiar en tempo real os niveis de ruído nos locais de lecer nocturno.
Estes espazos, que xa deben contar con sonómetros e limitadores de volume, conectaranse á plataforma, desde onde se poderán xerar informes periódicos e aplicar medidas correctivas cando sexa necesario.
Pero o plan non se limita a discotecas e pubs. Tamén se realizarán inspeccións en industrias, oficinas e calquera actividade que poida xerar molestias acústicas.
Ademais, efectuaranse medicións in situ e estudaranse solucións para mellorar a acústica de pavillóns, salas de ensaio e outros espazos.
O contrato inclúe un seguimento especial das zonas con maior concentración de locais de lecer.
Si se detectan "Zonas Acusticamente Saturadas", elaborarase un plan de acción para reducir o ruído e protexer aos veciños.
Finalmente, Virocem proporcionará fichas coas esixencias legais para establecementos como cafetarías, restaurantes, pubs ou supermercados, garantindo que todos cumpran coa normativa vixente e que Sanxenxo siga sendo un lugar onde convivir e gozar non sexa sinónimo de ruído.
Engade Pontevedra Viva como fonte preferida de Google de balde
Mantente informado coas últimas noticias de actualidade.