Operarios da empresa Elsamex, responsable do contrato de mantemento urbano, executaron unha serie de actuacións en catro puntos da cidade.
O obxectivo de todas estas obras está relacionado coa mellora da accesibilidade.
En concreto, os traballos, que foron aprobados polo departamento municipal de servizos urbanos básicos, realizáronse nas rúas Portugal, Carrasqueira, Gaiteiro Soutelo e Tablada.
Todas elas respondían a deficiencias de accesibilidade previamente detectadas, pasos peonís que estaban mal resoltos e suxestións dos residentes.
Así, na Rúa Portugal resolveuse a accesibilidade e o acougado do tráfico mediante a execución de dous pasos peonís elevados e un 'lombo' de asno.
Na Rúa Carrasqueira, pola súa banda, corrixiuse a seguridade viaria coa instalación dun paso peonil elevada fronte ao Burger King e un 'lombo' de asno á altura do número 13.
En Gaiteiro de Soutelo construíuse un novo paso peonil elevado no tramo final da rúa, a modo de plataforma, para dar resposta a necesidades de seguridade peonil.
E, por último, na Rúa da Tablada, procedeuse á ampliación dun paso peonil elevado situado na entrada que estaba mal resolto na súa configuración anterior.
Estas obras, segundo o concelleiro Xaquín Moreda, son parte dun traballo "diario e permanente" que se está realizando para mellorar o mantemento da cidade.
Engade Pontevedra Viva como fonte preferida de Google de balde
Mantente informado coas últimas noticias de actualidade.