A delegada territorial da Xunta en Pontevedra, Luisa Piñeiro, continúa coa rolda de visitas institucionais polos concellos da provincia.
Este venres mantivo un encontro co alcalde de Barro, Xosé Manuel Fernández Abraldes, quen lle trasladou a necesidade construír un novo centro de saúde.
O rexedor fixo fincapé tamén na conveniencia de intervir nun tramo conflitivo da PO-531 para mellorar a seguridade dos usuarios desta estrada.
Despois desta primeira toma de contacto, a delegada comprometeuse a manter un traballo conxunto entre ambas as administracións, algo que considera "fundamental" para dar resposta ás necesidades e demandas dos veciños.