A Fundación Provincial Banco de Alimentos contabilizou unhas 120 toneladas de comida en Pontevedra e as súas comarcas procedentes da súa quinta Gran Recollida Solidaria, celebrada os pasados 1 e 2 de decembro.
Trátase de 30 toneladas de alimentos máis que os que se recadou na edición do ano pasado. Esta cifra récord confirma o éxito da acción solidaria.
Eses 120.000 quilos recollidos en Pontevedra cidade, Sanxenxo, Vilagarcía, Marín, Cambados e Arcade forman parte dos 325.000 quilos de comida recibidos en toda a provincia.
Os organizadores deste iniciativa agradecen publicamente a xenerosidade demostrada pola cidadanía que novamente respondeu á chamada de abastecer de produtos de primeira necesidade o almacén de Pontevedra. Así mesmo, desde a entidade quérese destacar a "actitude máis que comprometida" dos 500 voluntarios que regalaron o seu tempo e facilitaron as doazóns de alimentos de primeira necesidade.
Con esas 120 toneladas recollidas, a ONG poderá seguir axudando ás 4.500 persoas desfavorecidas ás que chega en Pontevedra cidade e comarcas, polo menos, ata primavera de 2018.