As estampas do Nadal pontevedrés terá, a partir de agora, un novo marco. O Concello habilitou o que cualifican como o banco "máis amoroso" destas festas.
Está situado na praza de Ourense, fronte os xardíns de Casto Sampedro. Foi colocado nas últimas horas polos operarios do servizo municipal de xardíns.
O banco está adornado con acivro e outras plantas de Nadal e está pensado para que os veciños e os visitantes da Boa Vila poidan retratar a súa felicidade.
Esta iniciativa forma parte da decoración de Nadal da cidade.
O goberno municipal anima a todos os que queiran felicitar as festas desde este bambán que suban a fotografía ás redes sociais coa etiqueta #BoNadalBoaVila. O Concello recollerá todas estas imaxes e vai incluílas nunha galería.