O BNG de Marín volveu concentrarse diante do centro de saúde da vila para seguir solicitando á Xunta que se reactive a atención primaria presencial.
Nesta concentración participou o deputado parlamentario Paulo Ríos, quen lembrou a emenda presentada polo seu partido aos orzamentos da Xunta para aumentar a dotación económica e contar con maior persoal e recursos sanitarios.
A portavoz municipal do BNG, Lucía Santos, comentou que a Xunta reforzou a quenda de tarde do persoal administrativo grazas á mobilización veciñal que está a presionar para reclamar melloras na atención sanitaria.
Os nacionalistas presentaron un escrito dirixido á Consellería de Sanidade para insistir na demanda social de reactivar a asistencia sanitaria primaria presencial e maior dotación de recursos para asegurar un sistema sanitario público, igualitario e de calidade.