O Centro Comercial Urbano Zona Monumental (CCUZM) segue traballando para dinamizar o centro histórico de Pontevedra con diversas actividades.
Dende o 5 de decembro xa está acendida a iluminación decorativa das rúas e prazas.
Igualmente está en marcha ata o 5 de xaneiro Pontenadal 2014, a Feira de artesanía e regalo, na Praza do Teucro e con horario de 11 horas a 14 e de 17 horas a 22.
Para este martes 23 e o luns 29 a partir das 11 da mañá, en distintas rúas e prazas, entregásese a todos os clientes un regalo do 25 aniversario do CCUZM (ata esgotar existencias).
Ademais Papa Noel percorrerá a Zona Monumental, entregando caramelos aos máis pequenos. Será o martes 23 en horario de 18 a 20 horas e o mércores 24 en horario de 11 a 13 horas.
Tamén haberá animación na rúa o martes 30, de 18 a 20 horas.
E o luns 5 de xaneiro terá lugar a recepcion oficial ás súas maxestades os Reis Magos de Oriente, no Pazo de Mugartegui a partir das 11 horas.
O CCUZM participará na Cabalgata de Reis cunha carroza.