"A cociña gourmet en conserva" visita a Gastroteca El Cafetín, na Alameda de Pontevedra, para asistir á preparación do prato que o chef Rubén González creou a partir dunha lata de mexillóns en escabeche gourmet de Conservas Pescamar.
O título é moi suxestivo: "Dúas texturas, dúas culturas". Nel resúmese a filosofía deste prato, que fusiona a cultura tradicional galega cos sabores de Oriente.
Ingredientes para a receita de "a nosa cultura":
- media lata de mexillóns en escabeche gourmet Pescamar (aproveitamos tamén o líquido)
- 1 ovo
- 20 centilitros de aceite suave
- 1 cucharadita de salsa kimchi
- alga wakame (30 gramos aproximadamente)
- un punto de aceite de sésamo, de salsa de soia e de limón
- musgo de Irlanda
- oliva negra
Ingredientes para a receita de "cultura oriental":
- media lata de mexillóns en escabeche gourmet Pescamar
- tempura: fariña, ovo, un pouco de fermento e auga moi fría
- pasta de curry verde: chile verde, allo, chalota, herba limón, cortiza de lima, aceite de soia, cilantro, auga, comiño, pementa
- fíos de chile vermello deshidratado
- follas de flores de caravel chinés
- rodas de pemento de Padrón
Preparación da receita de "a nosa cultura":
Aproveitamos o líquido da lata de mexillóns en escabeche gourmet Pescamar e o emulsionamos cun ovo e con aceite en fío. A continuación engadímoslle a salsa picante asiática kimchi. Reservamos a emulsión.
Realizamos unha ensalada de algas, a base de alga wakame e de musgo de Irlanda para potenciar o sabor a mar. As algas cocerémolas durante uns 20 minutos e aderezámolas cun punto de aceite de sésamo, de salsa de soia e de limón.
Procedemos á colocación dos ingredientes na bandexa. En primeiro lugar, a ensalada de algas. Sobre ela, as pezas de media lata de mexillóns en escabeche gourmet Pescamar. A continuación, unha picada de oliva negra cun pouco de aceite para realzar o sabor.
Preparación da receita de "cultura oriental":
Tomamos as pezas de media lata de mexillóns en escabeche gourmet Pescamar. Un a un, secamos os mexillóns e fritímolos nunha tempura (esta masa preparámola mesturando fariña, ovo, un pouco de fermento e auga moi fría).
A continuación, realizamos unha pasta de curry verde mesturando: chile verde, allo, chalota, herba limón, cortiza de lima, aceite de soia, cilantro, auga, comiño, pementa.
Colocamos a pasta de curry verde sobre os mexillóns e, sobre ela, unhas follas de caravel chinés e uns fíos de chile vermello deshidratado, para seguir potenciando o punto picante. Finalizamos cunhas rodas de pemento de Padrón.
En dúas semanas volvemos cunha nova proposta de "A cociña gourmet en conserva" cos produtos do mar de alta calidade de Conservas Pescamar.