O equipo da fábrica de ENCE en Lourizán ratificou nas asembleas de traballadores a decisión do comité de empresa de convocar dous días de paro total no mes de novembro, o 10 e o 14, este último coincidindo coa xornada de folga xeral convocada polos sindicatos.
A decisión, segundo Antonio Ligero, representante do comité, débese á supresión de varios empregos na pastera nos últimos meses, "no es lógico que reduzcan aún más plantilla cuando ya estamos bajo mínimos, no podemos asumir más competencias".
Segundo os datos facilitados, do total do equipo que votou a convocatoria de folga, 102 fixérono a favor e 14 opuxéronse. Entre os motivos esgrimidos para realizar a convocatoria destacan que os recortes no equipo empeoran a produción e aumentan a inseguridade.
Ademais, a asemblea non decarta ampliar a convocatoria a máis días de folga nas próximas semanas, en función de como vaian as negociacións.