O Concello de Pontevedra anunciou que está a implantar un formigón de alta resistencia, que contribúe activamente a eliminar de contaminantes da atmosfera. "É un elemento altamente ecolóxico xa que a súa composición incorpora materiais procedentes da reciclaxe, especialmente de sectores da construción e industrial", sinalan nun comunicado da Concellaría de Obras.
As obras da praza estarán paradas durante as festas de Nadal, dende o 18 de decembro até o 11 de xaneiro. O parón navideño está recollido no convenio da construción.
A reforma prevista diante do Provincial abarca desde a rúa Cobián Areal até a entrada das Urxencias do hospital. Crearase unha praza pública de 1.200 metros cadrados que disporá de mobiliario urbano e de árbores para tratar de crear zonas de sombra. Construirase unha plataforma única con diferentes pavimentos: formigón, granito e lousa.