O borrador dos orzamentos municipais para o próximo ano foi analizado este mércores polo Consello Económico e Social que tamén estudou a recente concesión dos fondos europeos para o programa DUSI "Máis Modelo Pontevedra".
Este órgano consultivo está integrado polos grupos municipais, sindicatos, empresarios, Universidade de Vigo e outros colectivos veciñais, sociais e económicos do municipio.
O goberno local necesita atopar un aliado que lle permita alcanzar a maioría suficiente para poder aprobar o orzamento.
Os contactos xa están en marcha e por agora o portavoz do PSOE, Agustín Fernández, foi o primeiro en pedir claridade ao BNG mostrándose disposto a falar de proxectos políticos.