O goberno de Sanxenxo proxecta a instalación de cámaras e pantallas para que a Policía Local coñeza en todo momento a evolución do tráfico e onde hai máis saturación.
Óscar Vilar, concelleiro de servizos, e Jaime Leiro, de seguridade cidadá, levan tempo traballando nesta iniciativa para incluíla entre as accións do proxecto Sanxenxo/O Grove polos turísticos intelixentes.
O proxecto consiste na posta en marcha dun sistema de vídeo vixilancia orientado ao control do tráfico nos puntos onde hai maior afluencia de vehículos. Este sistema constará de cámaras IP 360º, un sistema de gravación, unha sala de pantallas e un software.
Sanxenxo e O Grove presentáronse conxuntamente a unha liña de axudas convocada pola Sociedade Mercantil Estatal para a Xestión da Innovación e as Tecnoloxías Turísticas, (Segittur), para converterse en destinos intelixentes.
O obxectivo é que as novas tecnoloxías axuden a ser máis competitivos e mellorar a experiencia turística dos visitantes.
Algunhas das accións son comúns, como unha APP sobre recursos turísticos, pero a maioría elíxeas cada concello, Sanxenxo baralla o citado sistema de control do tráfico e outras tres propostas: O "Smart Beach Silgar" e o "Smart aparcadoiro e intermodalidad", para facilitar información sobre o estado da praia ou os estacionamentos, ou dotar ao municipio dalgúns puntos con wifi pública.