O grupo municipal do Partido Popular advertiu este mércores que, coa nova modificación de crédito aprobada polo goberno local, o Concello de Pontevedra atópase ao límite do gasto do exercicio 2015. Este feito supoñería que, se no último trimestre deste ano os ingresos nas arcas municipais non fosen os estimados, o Concello entraría en inestabilidade financiera.
"Que el Ayuntamiento entre en inestabilidad financiera implicaría la redacción de un Plan Económico Financiero y pasar a ser tutelados por otra administración", apuntou o concelleiro popular, Rafael Domínguez tras presidir este xoves a Comisión de Economía e Facenda.
O endebedamento por habitante era de 210,18 euros no ano 2014
Pola contra o concelleiro de Facenda, Raimundo González, destacou os "bos datos económicos" que reflicte o último informe do Órgano de Xestión Orzamentaria que apuntan un superávit de 4,7 millóns nas arcas municipais.
As ratios de tesourería e de liquidez inmediata amosan a "solvencia a curto plazo" do Concello. O endebedamento por habitante é de 210,18 euros no ano 2014 (no ano 2013 era de 266,82 euros).
Na Comisión de Economía e Facenda acordouse ademais a aprobación da ordenanza fiscal reguladora do imposto sobre bens inmobles (IBI), ademais de eximir desta taxa á Universidade de Vigo.